Publisert 25.05.2009.
Foto: Dag HoltanNaturvernforbundet i Møre og Romsdal sitt krav om vern av olivinfuruskog på Sunnmøre, skapte reaksjonar i kommune, fylke og blant grunneigarar. Ein ny naturfagleg vurdering ligg no føre og stadfestar at det er snakk om svært store verneverdiar.
Rapporten "Olivinfuruskog og rødlistearter i Bjørkedalen, Volda: naturverdi og forvaltningsmuligheter" er skriven av T. E. Brandrud og gitt ut som NINA-rapport 461-2009. Han gjør greie for olivinfuruskog og kva som er spesielt med denne naturtypen.
Olivinfuruskogene i Bjørkedalen, Volda, utgjør eit av dei tre største og viktigaste kjerneområda for denne naturtypen i Noreg og Norden. Områda i Tjørnanakkane og Daurmålsnakken har særleg spesiell natur og er gitt høgaste verneverdi. Rapporten tek til orde for å sikre desse områda for ettertida. Når det gjeld forvaltning av verneområda, er det ulike løysingar for dei ulike områda.
