CO2-innfanging på Tjeldbergodden
LKAB, Statoil og Höganäs planlegg jernverk (Ironman) på Tjeldbergodden, og planlegg å sende søknad om konsesjon til Klima og Forurensningsdirektoratet (KLIF) i løpet av hausten.
Naturvernforbundet ba om ei utviding av grunnlaget for utgreiingar i samband med søknaden. Vi fekk gjennomslag for at
Ironman skal vurdere anlegg for innfanging av CO2 frå all industri på Tjeldbergodden, både dagens metanolfabrikk og det nye jernverket. Tilsvarande at dei må vurdere risikoen og behovet for auka beredskap på grunn av den store skipstrafikken, og om Tjeldbergodden er ein egna stad. Det siste går på at det er stort overskot av elektrisitet i Nord Noreg, samtidig som malmen til jernverket skal bli skipa ut frå Narvik, med lang transport ned til Tjeldbergodden.