After Court med Naturvernforbundet og Natur og Ungdom
Naturvernforbundet og Natur og Ungdom inviterer til «after court» med konsert, samtalar og basar for Førdefjorden i Skifte bar på det Vestnorske teateret.
Gulating lagmannsrett er no i gang med å behandle spørsmålet om det skal vere lov å dumpe gruveavfall i Førdefjorden medan fjordsøksmålet enda er uavklart. Dei skal også avgjere om det er riktig at ein miljøorganisasjon skal kunne idømmast saksomkostnader på 2,5 millionar kr (!), per i dag den strengaste dommen ein europeisk miljøorganisasjon er blitt idømt.
Århuskonvensjonen, EUs vanndirektiv og fjorden sin miljøtilstand vert alle heite tema i løpet av kvelden. Om ikkje dette er nok til å pirre nysgjerrigheita, vert det også musikk og for ikkje å snakke om BASAR med vilt flotte premiar! Det vert også moglegheit til å kjøpe noko godt og leskande i baren.
Bli med på ein varmande og oppløftande kveld der vi feirar første dag i denne runden av kampen for Førdefjorden!
Dørane opner 17:30 med programstart frå kl 18:00.
Velkomst og musikkinnslag med Sliteneliten
Gunnar Staalesen – høgtlesing frå boka Post festum
Introinnlegg om førdefjorden
Minikonsert med Bare Folk
Panelsamtale med Truls Gulowsen, Sigrid Hoddevik Losnegård m.fl.
Basar til inntekt for Førdefjorden
