Du er her:

Eallu Guovdageainnu lahka

Eallu Guovdageainnu lahka. Foto: Svein Lund

Boazodoallu Finnmárkkus

Boazodoallu lea dehálaš ealáhus Finnmárkkus, dan sivas go dat addá buorre ja dearvvaš borramuša, duodjeávdnasiid ja lea dehálaš sámi kultuvrra ja giela guoddi. Muhto ollugat vuosttaldit boazodoaloealáhusa ja stuorra fámut geahččalit heaittihit dahje gáržžidit boazodoalu dan sivas go háliidit eatnamiid geavahit eará doaimmaide, nugo ruvkedoaimmaide, el-fápmorusttegiidda ja bartahuksemiidda. Luonddugáhttenlihttu bealušta boazodoallorivttiid bissut ealáhussan maiddái boahttevuođas, ja doalahit daid boazoguohtunguovlluid mat dál leat vel ealáhusas. Danne mii vuosttaldat luonddubillistemiid mat gáržžidit boazoguohtunguovlluid ja hehttejit johtingeainnuid. Seammás oaidnit mii ahte otná boazodoallu maiddái billista eatnamiid, ja sihkkarastin dihtii luonddu ja boazodoalu boahtte áiggi de berre boazolohku geahpeduvvot olu guovlluin, ja maiddái mohtorvuojánat ja áiddit.

På norsk

Ođđasat

15-naranasrein
Cealkámuš Ávjovári Luonddugáhttenlihtu jahkečoahkkimis 16.03.2013

Ferte sihke luonddu ja boazodoalu suodjalit!

Ráđđehus lea aitto gárvvistan ja ovddidan iežas minerálastrategiija, mas muitala ahte áigot geavahit 500 miljovnna ruvnno dasa ahte roggat Norgga eatnamiid buot rámsun minerálaid ohcanbarggus. Dál juo leat geahččagoahtán viiddis guovlluide Finnmárkkus gos áiggoše ohcagoahtit minerálaid. Ii mihkkege oro sáhttime bissehit Ealáhusministara ja su mielas ii oro dárbu makkárge guovlluid suodjalit luonddugáhttema dihtii ii ge boazodoalu dihtii.