Álttáeanu buođđu ja el-fápmodoaimmahat.

Álttáeanu buođđu ja el-fápmodoaimmahat. Foto: Svein Lund

Fápmohuksen ja elfápmolinnját Finnmárkkus

Finnmárkui leat huksejuvvon moanat stuorit ja unnit čáhcefápmorusttegat. Stuorimus lea Álttá el-fápmorusttet, mii bákkus huksejuvvui vaikko báikki olbmot ja luondduberošteaddjit miehtá riikka sakka vuosttaldedje. Sihke ovdal ja maŋŋil leat máŋga čázádaga áitojuvvon dulvaduvvot. Mii háliidat suddjet čázádagaid mat vel gávdnojit fylkkas ja eatge mieđit dulvademiide. Dál lea plánejuvvon hukset stuorra elfápmolinnjá mii manná fylkka čađa. Luonddugáhttenlihttu vuosttalda dán plána, go dat mielddis buktá stuorra billistemiid lundui ja boazodollui. Stuora bieggafápmomillut plánejuvvojit huksejuvvot fylkii. Luonddugáhttenlihttu oaivvilda ahte bieggamillut leat dohkálaš energiijavuohki, muhto háliida ahte vahágat galget vuđolaččat árvvoštallojuvvot ovdal go vejolaš ođđa lobit hukset bieggamilluid juolluduvvojit.

Artikkelen ble sist oppdatert: 22.04.2013

Ođđasat

Vindmøller_Gartefjellet(3)
Ávjovári Luonddugáhttenlihttu jahkečoahkkincealkámuš 22.02.2020

Galgat go luonddu ja boazodoalu vuovdit dálkkádatprofitøraide?

Dál leat álgán geavahit dan ákka ahte buot luondduduohtadeamit leat dárbbašlaččat dálkkádatnuppástuvvamiid eastadeapmái. Finnmárkkus galget hukset bieggaindustriijarusttegiid mearragáttiide, duoddariidda ja guolástanbáikkiide, vai oažžu "el-fámu mii ii nuoskkit". Nussir galgá roggat veaikki "ruoná politihka olaheami várás". Elkem Tana galgá viiddidit danin go "ođasmuvvi industriija" dárbbaša kvartsa. Galgá issoras linnjá huksejuvvot čađa Finnmárkku danin go Norga galgá šaddat "Eurohpá ruoná batteriija".

Viser fra 5 til 7 av totalt 7 artikler