Du er her:

Guolásteapmi ja guollebiebman Finnmárkkus

På norsk


Guolásteapmi lea álo leamaš deháleamos ealáhus Finnmárkku riddoguovlluin. Muhto speadjárbivdu lea mielddis buktán ahte riggodagat vuonain leat goariduvvon ja máŋgii measta billistan dehálaš guollehivvodagaid. Eiseválddit leat ráŋggáštan dán garra bivddu dainna lágiin ahte leat váldán eret guolástanvuoigatvuođaid vuotnabivdiin, ja eaige baicce váldán eriid sis geat leat čađahan speadjárbivddu. Luonddugáhttenlihttu doarju vuotnabivdiid guolástanvuoigatvuođaid rahčamis ja háliida heaittihit gávpeeriid ja riddofatnasiid strukturerema. Guollebiebman lea áiggi mielde šaddan dehálaš ealáhus maiddái Finnmárkkus. Ealáhus sáhttá addit dehálaš bargosajiid boaittobeale guovlluin, muhto sáhttá uhkidit eamiluosa ja guollešlájaid vuonain, ja vuotnabivddu. Luonddugáhttenlihttu ii hálit šat eanet guollebiebmanlobiid Finnmárkui dál, ja oaivvilda ahte dál berre bargat ahte guollebiebman galggašii baicce lágiduvvot giddejuvvon rusttegiin.