Du er her:


Foto: Basia Głowacka

Miellačájáhus Fálesnuoris 24.08. – Ođđa dieđut

Finnmárkoakšuvdna ruvkenuoskideami vuostá lágiida lávvordaga 24.08.2013 dii. 12-15. miellačájáhusa Ráhkerávjjus, Coop olggobealde. Šaddet appeallat Nussira ruvkeplánaid ja eara ruvkenuoskidemiid vuostá ja iešguđet kulturdáhpáhusat. Finnmárkku luonddugáhttenlihttu ávžžuha buot min miellahtuid ja earáid searvát. Dás boahtá preassadieđáhus 20.08.2013.

Preassadieđáhus

Miellačájeheami ruvkki vuostá Fálesnuoris!

Finnmárkkuakšuvdna ruvkenuoskideami vuostá lágiida miellačájeheapmi Nussira ruvke- ja bázahusluoitinplánaid vuostá lávvordaga 24.08.2013. Dát šaddá Coop olggobealde Ráhkkerávjjus dii 12-15, ja máŋga searvvi ja olbmot servet apeallaiguin ja dáiddalaš doaimmaiguin.

Apeallat bohtet dáid servviid áirasiin: Riddoguolásteaddjisearvi, Norgga luossajogat, Boazodoalloorohat 22 Fiettar, Luonddugáhttenlihttu, Luondu ja Nuorat ja moadde sámediggeáirasa.

Dát dáiddárat ja artisttat servet: Ivar Thomassen, Nils Rune Utsi (Slincraze), Karen Anne Buljo, Marion Palmer, Marit Anne Sara.

Jus earát háliidit searvat apeallaiguin dahje dáiddalaš doaimmaiguin, sáhttet váldit oktavuođa John Nystadain (tel 47751412)

Ođđasat

Viser fra 1 til 4 av totalt 21 artikler