Du er her:

Ginaljeaggi

Ginaljeaddi lea evttohuvvon luonddureserváhtan. Sáhttá go šaddat jeaggeeananguovddáš dáppe? (Govva: Svein Lund).

Guovdageainnu meahcceguovddáš – ovdaprošeakta gárvvis

Ávjovári luonddugáhttenlihttu lea moadde jagi bargan jurdagiin ásahit meahcceguovddáža Guovdageidnui. Dál lea ovdaprošeaktarapporta gárvvis

Dál lea Guovdageainnu meahcceguovddáš viimmat almmuhan ovdaprošeaktaraportta.

Raporta dárogillii: http://meahcci.info/rapport/gmg.htm
Čoahkkáigeassu sámegillii: http://meahcci.info/rapport/gmgc.htm.
Dan oktavuođas mii bovdet rabas čoahkkimii 
distat 19.09.2017. dii 1900. Loaŋkogiella. (LES)
Buohkat bures boahtin.


Dá čuovvu reive maid mii leat sádden báikkálaš ásahusaide ja serviide:


Dieđahus ovdaprošeavtta birra ja bovdehus rabas čoahkkimii

Šaddágo meahcceguovddáš Guovdageidnui?

Dat lea earet eará din duohken geat ožžot dán reivve. Dál lea čađahuvvon ovdaprošeakta mii lea vuođđun čuovvovaš bargguide. Dás áigut buktit ovdan prošeavtta olahusaid.

Áigumuš lea hukset meahcceguovddáža mii sáhttá addit dieđuid luonddu, meahcásteami ja sisabáhkkemiid birra sihke guovloolbmuid ja mátkkošteddjiid váste. Guovddáš sáhttá nammaduvvot álbmotmeahcce-, jeaggeeanan-, boraspire-, boazo- ja máilmmiárbbeguovddážin. Dat galgá maid ásahit bargosajiid Guovdageidnui njuolggut guovddážis ja maiddái meahcásteamis, meahccegálvvuid buvttadeamis ja turismmas.

Barggu álggahii Ávjovári luonddugáhttenlihttu čakčat 2015. Das lea maiddái leamaš ovdaprošeavtta ovddasvástádus. Prošeavtta leat ruhtadan Guovdageainnu suohkan, FeFo, Luonddugáhttenlihttu ja Artsdatabanken, lassin ollu eaktodáhttolaš bargu.

Prošeavtta deháleamos olahusat:

1. Ovdaprošeaktaraporta
http://meahcci.info/gmg.htm

Raporttas lea čállon ea.ea meahcceguovddáža áigumušat, fágasuorggit ja gelbbolašvuohta, čájáhus- ja ovdanbuktinvuogit, álbmotmeahcceguovddáš, fágalaš ja pedagogalaš ovttasbargoguoimmit, kursa- ja doaibmafálaldagat, organiseren, huksen ja ruhtadeapmi ja vásáhusat eará meahcceguovddážiin ja sullasaš ásahusain.

2. Ovdaprošeavtta čoahkkáigeassu

http://meahcci.info/gmgc.htm
 

3. Neahttasiidu

http://meahcci.info

Dát galgá addit dieđuid ovdaprošeavtta birra, ja leat vuođđun boahttevaš meahcceguovddáš neahttasiidui. Dás leat dieđut ee. dáin fáttáin: Guovdageaidnu mátkkošteddjiide, eanadat, šattut ja dálkkádat, meahcásteapmi, boazodoallu, šattut ja eallit, geologiija, suodjalanguovllut, sisbáhkkemat, luondu ja kultuvra, ja luondduhálddašeapmi.


 

4. Sámegiel šaddo- ja eallinamahus čoakkáldat

Ovttasbargu Artsdatabankeniin, dál lea sáddejuvvon Giellagáldui veardideapmái


 

5. Kurssat

Leat lágiduvvon logenáre njealljediibmosaš kurssa ávkkálaš šattuid ja báikkálaš biepmuid birra. Lea jurdda lágidit guopparkursa ja čuopmaneaskinkursa čakčamánus.

Ruhtadeapmi ja čađaheapmi
Lassin namuhuvvon ásahusaide leat ohcan ruhtadeami eará ásahusain, dát lea unnán lihkostuvvan. Mii doalahit goitge min ohcamiid ja sávvamis oažžut ruhtadeami gokčat prošeavtta vuolláibáhcaga. Artsdata ovttasbargui leat ožžon sierra doarjaga. Mii leat maiddai ožžon eksterna doarjaga kursalágideami oktavuođas.

Prošeaktajođiheaddji lea leamaš Svein Lund, vuosttašoasi mielbargi lea leamaš Paula Simonsen ja nuppi oasi mielabargi ges Maret J. Heatta. Ollu eará olbmot leat veahkehan resursajoavkku, rabas čoahkkimiid, kurssaid, dieđuid ja govaid bokte. Mii giitit váimmolaččat.

Bargu viidasit

Ovdaprošeavtta sávaldat lea ahte dán čavčča ásahuvvo meahcceguovddáš sierra ásahussan, mas lea báikkkálaš ja regionála searvvit, ásahusat, fitnodagat ja eaŋkilolbmot eaiggádin. Lea vejolaš ásahit guovddáža oasussearvvi,vuođđudusa dahje searvvi bokte. Mii leat evttohan vuođđudusa, muhto buot vejolašvuođat leat veardidanveara. Min sávaldat lea ahte guovddážis šadda báikkálaš hálddašeapmi, eaktun dása lea ahte báikkálaš searvvit, ásahusat ja fitnodagat mákset ossosiid dahje álgganhanruđa ja oassálastet guovddáža stivrii.


 

Go meahcceguovddáža stivra lea ásahuvvon lea vejolaš ohcat doarjagiid viidasit bargguide, gaskaboddosaš ja bistevaš visttiide ja pilohtaprošeavttaide. Dalle sáhttá maiddai ráhkadit johtti diehtočájáhusaid mat maŋŋil sáhttet šaddat bistevažžan ja oassin guovddážis. Seammás álggahit geainnu oažžut guovddáža dohkkehuvvot álbmotmeahcce-, jeaggeeanan-, boraspire-, boazo- ja máilmmiárbbeguovddážin.

Ovdaprošeakta háliida bovdet rabas čoahkkimii distaga 19.09. dii.1900 Loaŋkogielas (LES viesus). Doppe háliidit čájehit prošeavtta olahusaid ja mii bovdet buohkaid buktit evttohusaid ja kommentáraid. Mii bovdet lassin dihto ásahusaid/olbmuid ovdanbuktit oainnuideaset rapportii ja čuovvovaš bargguide. Mii almmuhit raporta golbma vahkku ovdal čoahkkima vai lea vejolaš lohkat ja čiekŋudit dása ovdagihtii. Mii savvat ahte boahtibehtet čoahkkimii ja háliidivččiimet áinnas dis gullat maiddái ovdal čoahkkima!

Dearvuođaiguin

Svein Lund                          Máret J. Heatta

Prošeaktajođiheaddji          Prošeavtta mielbargi

Ođđasat

Moselyng

Eambbo Guovdageainnu luondduguovddáža birra

26.11.2015 lágiidii Ávjovári luonddugáhttenlihttu rabas čoahkima luondduguovddáza álggaheami birra. Čoahkkimis bohte ovdan máŋga jurdaga mo dákkár guovddáš sáhttá doaibmat, ja vásáhusat sullasaš ásahusain.

Viser fra 1 til 4 av totalt 6 artikler