Du er her:

Bli med på helgetur til vakre Lygra 5.-7. april!

Tradisjonen tru inviterer Naturvernforbundet Hordaland til ei sosial, hyggeleg, lærerik og inspirerande helg på idylliske Lygra i Nordhordaland. Dette har vore ein knallsuksess tidlegare år, og me ser fram til triveleg samvær på koselege Lygra Gjestegard også i år! Dette er eit fint høve for både nye og gamle frivillige til å verta betre kjent - både med kvarandre og aktuelle saker, samt å læra nye triks for å vinna miljøkampar. Ikkje minst kan me lova godt selskap, god mat, underhaldning og turar i vakker kystlynghei.

Det er avgrensa plassar, så meld deg på i god tid, og seinast 3. april. Deltakaravgifta (400,- for vaksne, 200,- for ungdom/student) dekkar to overnattingar på Lygra Gjestegard, middag fredagskveld, alle måltid laurdag, frukost og lunsj sundag. Du treng ikkje ta med sengetøy og handkle, det er inkludert. Ta med det du vil drikka sjølv. Dette blir kjekt!

Meld deg på i skjemaet under, eller trykk på linken: https://goo.gl/forms/wrJXX3z9BPN0qryb2 

 


PROGRAM:

Fredag 5. april:
Kl. 17.10: Ankomst og middag
Kl. 18.15: Kveldsføredrag om korleis vinna saker, ved Tom Skauge, nestleiar i Naturvernforbundet Hordaland - spørsmål og diskusjon
Kl. 19.30: Sosialt samvêr, underhaldning og hygge utover kvelden

Laurdag 6. april
Kl. 09.00: Frukost
Kl. 10.00: Naturbyen Bergen - presentasjon av vår visjon, ved Ingvild Johnsen i visjonsgruppa og styret og styreleiar Gabriel Fliflet
Kl. 10.30: Vindkraft - korleis kan natur og klima gå hand i hand? ved Synnøve Kvamme, fylkessekretær i Naturvernforbundet Hordaland, diskusjon
Kl. 12.30: Tur i lyngheia - fritid
Kl. 14.00: Varm lunsj
Kl. 15.00: Energi: Vegen framover, føredrag ved Holger Schlaupitz, fagsjef for natur og klima i Naturvernforbundet sentralt, diskusjon
Kl. 17.00: Fritid
Kl. 19.00: Middag
Kl. 20.00: Sosialt samvêr, underhaldning og hygge utover kvelden

Sundag 7. april
Kl. 09.00: Frukost
Kl. 10.00: Klimakamp med blikk for sosial rettferd, diskusjon etter innlegg ved Hallvard Birkeland, styremedlem og primus motor i Klimaopprøret
Kl. 12.00: Leik/aktivitetar ute
Kl. 13.00: Lunsj
Kl. 14.30: Heimreis
 

Om nokon framleis er usikre på om dei skal bli med, kan ein kontakta kontoret på 55300660 / hordaland@naturvernforbundet.no for å bli overtydd. Der kan du også få svar på det du måtte lura på.

 


Korleis betaler eg?
- Vipps til 20910 - hugs å skriv namn og "naturvernhelg".
- Nettbankbetaling til kontonummer 90130539377, merk betaling med "naturvernhelg" og namnet ditt.


Kva bør eg ha med meg?
- Varme og vanntette klede og fottøy.
- Eiga drikke etter ynskje.
- Sengetøy og handkle treng du ikkje ha med, då dei har dette på Lygra Gjestegard


Underhaldning?
Har du ein lyrikar, musikar, satirikar, komikar, fysikar(?) eller quizmaster i deg, som vil bidra med underhaldning til naturvernhelga? Eller har du kanskje idéar til nokon andre som innehar nokre av kvalitetane skissert ovanfor? Ta kontakt med Synnøve: hordaland@naturvernforbundet.no / 55300661.

ImageImage

Image

ImageImage

Foto: Siri Vatsø Haugum, Borgar Emanuelsen Bohlin og Mona Maria Løberg.


www.naturvernforbundet.no/medlem

Nyheter

DNS 2016_powerpoint (27 of 29)

Nå kan du melde deg på!

01.02.2017

Verdier i vann og på land er et undervisningsopplegg for 4.-7. trinn utarbeidet av Naturvernforbundet Hordaland med støtte fra Den naturlige skolesekken. Her finner du informasjon og påmelding for skoler som vil bruke nærnaturen som klasserom, og frivillige som vil spre kunnskap og engasjement om naturen til skoleelever som naturguide i Naturvernforbundet Hordaland.

29649683123_ec8a234193_o

Les om Naturskattejakt i Hordnesskogen!

Søndag 2. oktober 2016 inviterte Hordnesskogens venner og Naturvernforbundet Hordaland til en aktivitetsdag for barnefamilier og andre, i det fantastiske natur- og friluftsområdet Hordnesskogen, som definitivt er verdt å ta vare på!

Hans Kleivdal innleder på Naturlig onsdag 5.10.2016.

Kva er eigentleg grøn industri?

09.01.2017

Onsdag 5. oktober hadde Naturvernforbundets faggruppe for bygg og energi invitert til Naturleg onsdag på Litteraturhuset i Bergen. Temaet for kvelden var grøn industri. Korleis kan ein drive industri som støttar opp under det moderne samfunnet utan å gå på bekostning av naturen? Kva skal til for å oppnå ein reelt bærekraftig industri?

Viser fra 61 til 64 av totalt 500 artikler