Du er her:

Kortnytt

Miljøkriminalitet vert henlagt

Halvparten av produktsakene Miljødirektoratet melder til politiet ender opp med å bli henlagt.

 

Kvart år finn Miljødirektoratet giftige og helseskadelege produkt i norske butikkar. Direktoratet har moglegheit til å påleggja verksemder å stansa salet eller å kalla produkta attende, men dei mest alvorlege sakene – mellom to og tre årleg – vert også meldt til politiet. Av desse ender halvparten med å bli henlagt, melder NRK.

– Me treng politiet si hjelp for å statuera eit eksempel, seier seniorrådgjevar Ingeborg Stene til
nrk.no. 

– Me finn mange lovbrot på dette viktige samfunnsområdet. Då treng me politiet si hjelp til å styra
åtferda i riktig retning og det med straff.

I bunken av saker Miljødirektoratet har meldt til politiet dei siste åra finn ein i følgje
nrk.no blant anna desse to sakene: 

– Smykker med kreft- og allergiframkallande tungmetall som vart seld av butikkjeda Indiska.
Smykka vart fjerna frå butikkane, men saka vart seinare henlagt av politiet, fordi butikkjeda hadde testa smykkene utan å finna giftstoffa Miljødirektoratet seinare påviste. 

– Leiketøysprodusenten Top-Toy vart meldt til politiet etter funn av eit GHB-liknande stoff i eit perlesett i 2008. Perlesetta vart trukke attende verda over. Saka vart henlagt som forelda.

 


Teksten er også publisert i medlemsmagasinet NaturVest #2 2017.

Artikkelen ble sist oppdatert: 22.01.2018

Nyheter

Honey bee(1)
Velkommen til Naturlig onsdag på Verdas Miljødag 5. juni kl. 19-21:

Kva betyr FNs naturpanel sin rapport for Noreg og Bergen?

10.05.2019 | Sist oppdatert: 31.05.2019

Naturen er i krise: 1 million artar står i fare for å døy ut på grunn av menneskeleg aktivitet. Aldri før har me øydelagt naturen i eit høgare tempo, og arealbruken vår er den klart viktigaste årsaka.

Naturen på Lygra_av Mona Maria Løberg

Bli med på helgetur til vakre Lygra 5.-7. april!

22.03.2019 | Sist oppdatert: 22.03.2019

Tradisjonen tru inviterer Naturvernforbundet Hordaland til ei sosial, hyggeleg, lærerik og inspirerande helg på idylliske Lygra i Nordhordaland. Dette har vore ein knallsuksess tidlegare år, og me ser fram til triveleg samvær på koselege Lygra Gjestegard også i år! Dette er eit fint høve for både nye og gamle frivillige til å verta betre kjent - både med kvarandre og aktuelle saker, samt å læra nye triks for å vinna miljøkampar. Ikkje minst kan me lova godt selskap, god mat, underhaldning og turar i vakker kystlynghei.

Viser fra 37 til 40 av totalt 500 artikler