Luftspenn eller kabel?
6.-7. februar 2007 arrangerer "Folkeaksjonen i Hardanger for kraftoverføring med sjøkabel" konferansen Luftspenn eller kabel? på Hardanger Fjordhotell i Øystese.
28.01.2007
Bakgrunn: Norsk kraft- og forsyningsproblematikk har endra seg drastisk dei siste åra. Tidlegare var den kraftkrevjande industrien lokalisert nær kraftverka, men slik er det ikkje i dag. Nedbygging av tungindustrien i fjordane, kombinert med industri og oljerelaterte kraftbehov på kysten, vil vera med å forma den framtidige kraftinfrastrukturen.
Konferansen vil ha fokus på utviklinga av sentralnettet dei næraste åra. Kan meir bruk av kabel versus luftspenn vera ein del av ny sentralnettpolitikk? Kan Statnett framleis bruka den gamle modellen til finansiering av desse store utbyggingane, eller er det på tide å tenkja nytt? Kanskje kraftprodusentane og dei store forbrukarane må ta ein større del av kostnaden med å flytta krafta! Dei siste planane til Statnett har møtt brei motstand i folket som bur i dei råka områda, og dei politiske partia har kome med tydelege fråsegner. Kan ein sjå konturane av ein ny, framtidsretta norsk sentralnettpolitikk?
Programmet kan lastes ned i pdf format her
Artikkelen ble sist oppdatert: 07.12.2010
