Du er her:

Erdalselvi

Erdalselvi.

Naturvernforbundet vil ta vare på fossane og vassdraga våre

Sogn og Fjordane er eit fylke med mange vakre fossar og vasdrag. No ser vi likevel at dei er truga av ei stor kraftutbygging, då særleg bygging av mange såkalla småkraftverk. Naturvernforbundet i Sogn og Fjordane er sjølvsagt ikkje motstandar av bygging av alle slike kraftverk. Småkraftverka produserer fornybar energi som vi har bruk for, dei kan gje inntekter til lokalsamfunnet og dei treng ikkje gjere stor skade på landskap, biologisk mangfald, friluftslivet osv.

Det er likevel fare for at særleg den omfattande småkraftutbygginga, men også større kraftprosjekt, vil truge det som er igjen av urørt vassdragsnatur i fylket vårt.  Og vi må vere klar  over at det byrjar å minke med slik meir eller mindre urørt natur, særleg då i visse område og kommunar.

Naturvernforbundet krev ei betre planlegging av kraftutbygginga i fylket og også ein strengare praksis når det gjeld løyve til slike kraftverk. Ein må i mykje større grad ta omsyn til landskapet, dyre- og plantelivet, friluftsliv, urørte område osv. Det vert også stadig færre urørte fossar og vassdrag igjen i det vi kjenner som ”fossefylket” Sogn og Fjordane , og det er difor på høg tid at vi tek vare på det som er igjen av dei urørte fossane, elvane og vassdraga. Naturvernforbundet i Sogn og Fjordane ser dette som ei av sine viktigaste arbeidsoppgåver!

 

Nyhende og informasjon om vasskraft:

Artikkelen ble sist oppdatert: 22.11.2010

Nyheter

Vigdøla
Innlegg i Sogn Avis: EIN TRIST JULEPRESANG FRÅ NVE!

Elva Vigdøla i Jostedalen

NVE har tilrådd kraftutbygging i elva Vigdøla i Jostedalen, og Olje og Energidepartementet skal no gjere endeleg vedtak i saka. Eit løyve til dette kraftverket ville vere både trist og ein skandale!

Høyringfråsegn tilsendt Norges vassdrags-og energidirektorat 22.3 2012

Holmen kraftverk

Holmen kraftverk er eit akseptabelt døme på uybygging av småkraft. Her kjem vår uttale om konsesjonssøknaden:

Viser fra 9 til 12 av totalt 25 artikler