2. mars 2020 var det årsmøte i Naturvernforbundet i Orklaregionen. Før årsmøtet var det eit veldig flott film- og foredragsmøte med filmskapar og politikar Arne Nævra, som vi arrangerte saman med Grytdalens venner. Det var 150 deltakarar på det opne møtet.
2. mars 2020 i Orkland kulturhus: Filmskapar og politikar Arne Nævra, viste film og snakka om dei unike kvalitetane i Grytdalen, og kor viktig det er at Noreg får sitt første større verneområde med totalvern.
29.11.2019: Naturvenforbunda i Trøndelag og Orklaregionen, Orkla Jeger og Fiskerforening, Trondheim Turistforening og Norsk Ornitologisk forening Trøndelag: Vi ber Statkraft Vind Utvikling DA trekke seg frå planen om å etablere vindkraft på Remmafjellet i Snillfjord og dermed bidra til at dette området blir bevart for oss og for framtidas generasjonar, både når det gjeld naturverdiar, landskap og friluftsliv.
Naturvernforbundet i Orklaregionen og Norske Lakseelver har sendt felles klage på kommunestyrets vedtak 19.06.2019 om reguleringsplan for hamn på Grønøra vest. Klagen peiker på at det er ulovleg med slike store inngrep i munningsområdet i nasjonale laksevassdrag, at saksframlegget bryt med naturmangfaldlova, og at det er ny informasjon om forureining som ikkje er vurdert.