Naturvernforbundet med innspel om Fv 64 over Averøy
Naturvernforbundet meiner at ei oppgradering av eksisterande veg bør bli vald framfor ny veg. Dette for å unngå nye og større naturinngrep.
Naturvernforbundet i Kristiansund og Averøy har gitt fråsegn til Averøy kommune i samband med høyringa av planprogram for ny fylkesveg 64 over Averøy.
I fråsegna peikar Naturvernforbundet på fleire omsyn det er viktig å greie ut i planprosessen, t.d.:
– samla belastning av alle naturinngrepa
– kven som skal betale for avbøtande tiltak
– dokumentasjon av at miljømessig beste løysing blir vald
– tilhøve til krava i vassforskrifta om god økologisk tilstand for alle vassforekomstar
– konsekvensar for klimagassutslepp
– konsekvensane for kollektivtransporten.