Skogsveg i Surnadal: Naturvernforbundet krev grundigare saksbehandling
Surnadal kommune har fått ein søknad om byggjing av skogsveg ved Røstadbekken. Naturvernforbundet krev at denne søknaden blir behandla etter plan- og bygningsloven og ikkje som ein søknad etter forskrift om veier for landbruksformål.
Bakgrunnen for kravet frå Naturvernforbundet i Møre og Romsdal er at det i denne saken er såpass mange omsyn utover det landbruksmessige at ei saksbehandling etter plan- og bygningsloven er nødvendig for å ivareta alle omsyna.
Naturvernforbundet viser til at den planlagde vegen
– ligg nært eit landskapsvernområde (Trollheimen)
– ligg innanfor hundremetersona til eit vassdrag (Røstadbekken)
– berører ein turiststi mellom Hermannhytta og Vindølbu
– går gjennom eit område regulert til hytteformål
Naturvernforbundet oppfattar heile vegsøknaden som eit forstadium til veg for hyttene i hyttegrenda, snarare enn ein skogsveg. Viss det er det som er det eigentlege føremålet, bør ein i alle fall planlegge dette i form av ein reguleringsplan.
Naturvernforbundet krev vidare at det blir gjort ordentlege kartleggingar av naturverdiane i området.