Rydding i Håvika 5. juni 2021
5. juni er verdas miljødag, og den dagen markerer vi med rydding av plast og anna søppel som har drive i land i Håvika, i gamle Snillfjord kommune. Vi ønskjer alle velkomne til dette viktige arbeidet, og til ein triveleg dag i vakre Håvika.
- Stad: Håvika ved Moldtua i Orkland (gamle Snillfjord).
- Atkomst: Parkering ved garden (300 meter). Dei som av ulike grunnar må køyre heilt ned, kan parkere ved fjæra
- Oppmøte: kl 11:00
- Utstyr: Ta med hanskar, og kanskje enkelt graveutstyr. Egna fottøy (kan vera vått).
Rydding er avtalt med grunneigar, og det er bord og benkar i bukta, slik at med brukbart vær blir dette ein triveleg og sosial ryddedag, der vi sjølvsagt må ta omsyn til smittesituasjonen. Vi stiller med sekkar og tilhengar. Det er mellom anna ein god del taug å dra opp langs stranda.
Vi stiller med noko å bite i, men kaffe etc må de ta med sjølv.
Nærare info om ryddeaksjonen: Livar Ramvik, tlf 97026478