Artsklubben i Sunnfjord – oppstartsmøte
Vi startar ein artsklubb i Sunnfjord og omegn, vil du bli med?
Oppstart av Artskluben i Sunnfjord
Vi startar no opp ein Artsklubb i Sunnfjord og omegn, og inviterer til oppstartsmøte i mars. Artsklubben er for både erfarne og nysgjerrige – for deg som kan mykje frå før, og for deg som berre vil lære meir. Målet er å byggje ein god og inkluderande gjeng som kan lære av kvarandre og dra på artsregistreringsturar saman (vi inviterer og med oss ekspertar som kan lære oss opp).
Vi opnar artsklubben med eit hyggeleg og sosialt introduksjonsmøte, der det blir servert kaffe, te og litt snacks. Dette blir ei uformell samling der vi blir kjende med kvarandre og snakkar om kva artsklubben kan bli – forma av dei som møter opp.
Fokus og vidare aktivitet
Fokuset for Artsklubben blir artar knytt til naturskog, i tråd med Naturvernforbundet si satsing på skog i åra framvoer. Når sesongen kjem, ønskjer vi å arrangere vandringar og artsregistreringsturar i skogar i nærområdet.
Praktisk informasjon
Møtet blir i Bergegården, 3.etasje (Inngang ved JKE Kjøkken, mot Spenst)
Agenda for oppstartsmøte:
- Foredrag frå prosjektleiar: Kvifor ein Artsklubb? og Introduksjon til artsregistrering via Artsdatabanken (ta gjerne med PC eller mobil)
- Bli betre kjent
- Er det interessante lokale skogar vi kan besøke til våren?
- Artsregistreringsturar til våren – kva artar ønsker vi fokus på?
Spørsmål?
Ta kontakt med Allette, koordinator for Artsklubben i Sunnfjord på allette.alvarvik@naturvernforbundet.no eller 94874648