Artsklubben i Sunnfjord er ein møteplass for alle som er nysgjerrige på livet i skogen og artane som lev der, enten du er nybegynnar, erfaren eller berre vil lære meir. Her lærer vi om artar i lag, deler erfaringar og utforskar skogen og livet i den gjennom turar og enkle samlingar. Du treng ikkje forkunnskapar for å vere med; nysgjerrigheit er meir enn nok. Nokre gongar har vi med oss ein ekspert, andre gongar deler vi erfaring med kvarandre.

I artsklubben handlar det om gleda ved å oppdage, stoppe opp og sjå nærare på det som lev rundt oss. Når vi lærer å kjenne igjen både vanlege og meir sjeldne artar, og sørgjer for at dei blir registrerte, bidreg vi til verdifull folkeforsking. Desse funna gir betre kunnskap om naturen og kan brukast til sterkare vern av viktige naturområde. Å registrere artar saman gir både meistring, ro og eit sterkare forhold til nærnaturen.