Boraspiret Finnmárkkus
Finnmárkkus leat juo dološ áiggis leamaš olu stuorra ja smávva boraspiret. Muhto olu máddodagat leat measta nohkan. Luonddugáhttenlihttu oaivvilda ahte fylkkas galget leat ceavzi máddodagat stuorimus boraspiriin; guovžžat, gumppet, geatkkit ja albasat. Boazodoallo- ja biebmošibitealáhus galget oažžut ollislaš vahátmávssu elliid ovddas maid lea massán boraspiriide ja liige goluid ovddas go omd. boraspiriid geažil šaddet guođohit. Luonddugáhttenlihttu lea daid maŋimuš jagiid áŋgiruššan laskadit njálaid, erenoamážit Várjjagis.