Sámi vuoigatvuođat, sámi luonddudoallu ja kultuvra
Luondduhálddašeapmi Finnmárkkus ferte váldit vuhtii ahte sámit leat eamiálbmot fylkkas ja ahte luonddu riggodagat ain galget leat vuođđun sámi kultuvrii. Vaikko sámit álo leat eallán luonddus ja váldán vára das, de lea ođđa áigi ja mohtorfievrrut dagahan ahte maiddái boazodoalu ja eará sámi luonddudoalu geavaheapmi lea garrasit čuohcán lundui. Luonddugáhttenlihttu lea daid maŋimuš jagiid doallan čoahkkimiid Sámedikkiin, ja mii doaivut ahte ovddasguvlui dát buvttášii buoret áddejumi ja ovttasbarggu goappašiid beliide.
Sámi01.10.2012
