Eambbo Guovdageainnu luondduguovddáža birra

26.11.2015 lágiidii Ávjovári luonddugáhttenlihttu rabas čoahkima luondduguovddáza álggaheami birra. Čoahkkimis bohte ovdan máŋga jurdaga mo dákkár guovddáš sáhttá doaibmat, ja vásáhusat sullasaš ásahusain.

Dás sáhtát lohkat ovdalbuktima, mii Svein Lundas lei báikkálaš searvvi bealis:
Sámegillii
Dárogillii

Muhtin dieđut ja jurdagat ságastallamis:

– Buoremus organiserenvuohki orru leame vuođđudus (stiftelse). Dat gáibida álgokapitala unnimusat 100000 kr. Luonddugáhttenlihttu áigu čállit serviide ja ásahusaide ja bivdit sin searvat vuođđodussii.

– Suohkana bealde searvai sadjásaš sátnejođiheaddji čoahkkimii. Su mielas lea luondduguovddáš buorre jurdda, muhto sii fertet ságastallat suohkanis ovdal go sáhttet vástidit mii sáhtášii leat suohkana rolla dán barggus.

– Luondduguovddáš berre ovttasbargat suohkana giellaguovddážiin čohkket, ovdidit ja juohkit sámegiel terminologiija luonddu ja luonddufágaid birra.

– Stavanger jođiha Luonddugáhttenlihttu ieš luondduguovddáža. Lea miellagiddevaš oahpat sin vásáhusain, muhto mii eat hálit jođihit luondduguovddáža Guovdageainnus okto. Lea buoret ovttasbargat earáiguin. Ovttas mis leat eanet návccat ja máhtut.

– Luonddumáhttu ja luondduillu lea dehálaš álbmotdearvvašvuhtii. Luondduguovddáš berre ovttasbargat dearvvašvuođaásahusaiguin ja sosiála ásahusaiguin.

– Luondduguovddáš sáhttá álgit muhtin guorus lanjain, muhto áiggi mielde berre cegget iežamet vistti. Dan berre hukset birasustitlaččat, nu ahte geavahan unnán energiija. Sáhttá leat ovdamearkan mo dan dahkat galmma dálkkádagas.

—-

Loga maid Ávvira artihkkala ášši birra.