Guovdageainnu meahcceguovddášprošeakta ovdana
Guovdageainnu meahcceguovddáža ovdaprošeakta, maid Ávjovárri Luonddugáhttenlihttu lea álggahan, lea álggahan ovttasarggu Artsdatabankeniin. Prošeakta lea bidjan ollu luonddudieđuid neahttasiidui meahcci.info ja álggahan iežas Facebook-joavkku.
Guovdageainnu meahcceguovddáža ovdaprošeakta, maid Ávjovárri Luonddugáhttenlihttu lea álggahan, lea dál šiehtadan Artsdatabankeniin ovttasbargat vai dohko oažžut sámegiel šaddo- ja eallinamahusaid. Boahtte jagi galgá sáhttit ohcat dieđuid sámegillii. Boahtte ceahkki lea buoridit Artsdatabankena registreremiid Finnmárkkus ja doallat kurssaid dan birra.
Neahttasiidu http://meahcci.info lea viididuvvon ollu, ja dál sáhtát doppe gávdnat ollu dieđuid šattuid, elliid ja meahcásteami birra, ja dan birra mo Finnmárkku meahcci billiduvvo. Mii háliidit veahki buohkain, muital midjiide jus dus leat eanet dieđut, dahje jus dus leat govat maid oainnát ahte váilojit.
Facebook-joavku lea ráhkaduvvon dál skábmamánus, sáhtát dieđihit ja searvvat ságastallamii. Oza «Guovdageainnu meahcceguovddáš»