Seminára luonddugeavaheami ja luonddugáhttema birra
Finnmárkku luonddugáhttenlihttu ovttas Guovdageainnu báikkálaš servviin lágiidii seminára luonddugeavaheami ja luonddugáhttema birra 22.-23.01.2011.
Lávvordaga 22.01.2011 lei rabas seminára dáid fáttáid birra:
-
Fertet go mii válljet geavaheami ja gáhttema gaskkas?
-
Lea go Finnmárkoduoddar „vår siste villmark” (min maŋimus vildameahcci)?
-
Leat go álbmotmeahcit veahkaváldi báikkálaš olbmuid vuostá?
-
Galgá go báikkálaš olbmuin leat vuosttašvuoigatvuohta luondduriggodagaide?
-
Lea go boazodoallu uhkádus luonddu vuostá – vai min buoremus luonddugáhttejeaddji?
-
Dárbbašit go mii ođđa linjáid vai oažžut doarvái el-fámu?
-
Lea go bieggafápmohuksen luondduustitlaš?
-
Birasgáhttenlihkkadus ja álgoálbmogat – ovttasbargit vai vuostalagaid?
Dát olbmot ledje logaldallin:
-
Lars Haltbrekken (Norgga Luonddugáhttenlihtu jođiheaddji)
-
Berit Anne Oskal Kemi (boazodoallooahpaheaddji, suodjalusguovlluid bargojoavkku miellahttu)
-
Ole Henrik Magga(Sámi allaskuvla professor)
-
Nils A. Skum (Sámi bivdo- ja meahcástansearvi)
-
Nancy Porsanger Anti (boazodoalli, Deatnu)
-
Kjell Derås (Luonddugáhttenlihtu riikastivralahttu, Davvi-Trøndelága)
-
Rávdna Anti (Finnmárkku Luonddugáhttenlihtu stivralahttu)
Dás gávnnat referáhta semináras (dárogillii).
Sotnabeaivi 23.01.2011 lei seminára Luonddugáhttenlihtu miellahtuid várás
Fylkkastivrra miellahttu Gunnar Reinholtsen logaldalai Finnmárkku Luonddugáhttenlihtu hástálusaid birra.