Voss Utferdslag, Bergen og Hordaland Turlag, Den Norske Turistforening, Naturvernforbundet i Hordaland og Naturvernforbundet inviterer til elvefestival på Voss, 6-7.september, for å oppleva elva, læra om den og snakka om viktigheita av vassdragsvernet.

Dette vert årets kjekkast og mest meiningsfylte festival!

Det er reservert rom og teltplass ved vandrarheimen. Kontakt vandrarheimen for å tinga rom. Kryss av i påmeldinga for teltplass. Dette koster 200 per natt og inkluderer nydeleg frukost frå den økologiske garden som ligg i nabolaget.

Kjem du frå Bergen? Ta toget som går 8.30 eller 9.21 på laurdag.

Kjem du frå hovudstaden? Då er det best å ta toget kl 16.23 og ta ei ekstra overnatting på den fantastiske Vandrarheimen.

Laurdag

11.00 – 16.00 – Aktivitetar i og ved elva

Oppmøte ved Voss Elveklubb i Tvildemoen. Her vert mogleg å velje mellom desse spennande aktivitetane:

1. Prøv packraft, elvepadling og rafting. Kom deg ut på det krystalklare vatnet i Raundalselva og prøv deg i bølgene. Du vert godt teke vare på av dyktige instruktørar. Krev påmelding til elveklubben.
2. Naturmangfaldsvandring langs elva. Bli med biolog, Mie, og geolog, Jamie, på vandring langs elva og få innsikt det unike økosystemet her. Turen er lettgått, og passer for dei fleste. Hugs å krysse av i påmeldinga.
3. Symjing/snorkling i elva. Dersom vassføringa tillet det kan me få ein unik utsikt til dei djupe undervansgjela i dei rolege kulpane i Raundalen. 10 plassar tilgjengeleg. Første mann til mølla på dagen.

Merand kaffebrenneri har ope hus rett ved, og det vert høve å slappe av med lokal kaffe og noko å bite i ved elva etter endt aktivitet.

17.00 til seint – Film, føredrag, musikk og politikk

Møt opp på Voss Vandrarheim for ein kveld med rikt innhald:

1. Miniføredrag om naturen, lokalsamfunnet og verdiskaping. Innlegg frå lokale verksemder og ordførar om elva som verdiskaping og utfordringar knytt til flaum

2. Debatt/samtale om vassdragsvernet. Innleiarane møter stortingspolitikar til samtale om framtidas vassdragspolitikk.

3. Grilling og hygge. Me serverer nydeleg mat frå lokale gardar. Nyt maten og selskapet med utsyn mot det fantastiske Vangsvatnet. Pris 200 per pers. Hugs å krysse av i påmeldinga.

4. «Skal hilse fra naturen». Filmskaparen innleier før me får sjå denne perla av ein naturdokumentar. Noregs mest prisvinnande naturfilmfotograf har laga «Skal hilse fra naturen», ein sjeldant storslått film med oppsiktsvekkande bilete frå naturen i Noreg.

5. Minikonsert. Artist: TBA. Steminga vert sett før me vandrar heim eller avsluttar kvelden med bål.

Sundag

8.00 -10.30: Frukost med føredrag

Et frukost med mat frå Finnegarden, og nyt føredrag om elvenatur. Dersom du ynskjer frukost kan det betalast når du kjem. Om du kun vil høyre føredraget, startar dette kl 10.00. Føredragshaldar: TBA

11.00 – 14.00: Geologi og naturmangfaldsvandring langs Raundalselva, rettleia av geolog/biolog.

Me tek turen opp i eit av dei meir utilgjengelege delane av elva. For dei som ynskjer, vert mogleg å ta på våtdrakt og maske for å kikka under overflata og få utsyn til eit landskap få andre har sett! Hugs å krysse av i påmeldinga.

Samarbeidspartnere

Voss Naturvernlag, Naturvernforbundet Hordaland, Naturvernforbundet, Voss elveklubb, Voss Utferdslag, Bergen og Hordaland Turlag og DNT.