Artsklubben i Sunnfjord er ein møteplass for alle som er nysgjerrige på livet i skogen og artane som lev der, enten du er nybegynnar, erfaren eller berre vil lære meir. Her lærer vi om artar i lag, deler erfaringar og utforskar skogen og livet i den gjennom turar og enkle samlingar. Du treng ikkje forkunnskapar for å vere med; nysgjerrigheit er meir enn nok. Nokre gongar har vi med oss ein ekspert, andre gongar deler vi erfaring med kvarandre.

I artsklubben handlar det om gleda ved å oppdage, stoppe opp og sjå nærare på det som lev rundt oss. Når vi lærer å kjenne igjen både vanlege og meir sjeldne artar som blir registrerte, bidreg vi samstundes til verdifull folkeforsking og kunnskap om naturen vår. Å registrere artar saman gir både meistring, ro og eit sterkare forhold til nærnaturen.