Naturvernforbundet klagar på skogsvegplanar i Gjemnes kommune
Administrasjonen i Gjemnes kommune og administrasjonen i Møre og Romsdal fylke har vore usamde om ein planlagd veg gir ei utnytting av skogsressursane som er rasjonell og rekningssvarande. Dette er eit vilkår for å kunne byggje vegar i skogen utan å måtte planlegge dei etter plan- og bygningslova. Naturvernforbundet har merka seg at eit av områda som det er strid om, ettersom det ser ut som om det må hoggast for å gjøre vegen rekningssvarande, er eit område med almeskog som er registrert som regionalt og nasjonalt viktig for naturmangfaldet. Politikarane i Gjemnes har gitt løyve til skogsvegen. Naturvernforbundet klagar på vedtaket, men er litt usikre på kven som er habile til å behandle ein klage.