Insekttur ved Østensjøvannet
Naturvernforbundet i Oslo Sør inviterer til insekttur ved Østensjøvannet med professor Tone Birkemoe. Tone er professor i entomologi (insektforskning) på Noregs miljø- og biovitskaplege universitet og har budd ved Østensjøvannet mesteparten av livet.
Turen går frå leikeplassen i sørenden av Østensjøvannet, rett ved parkeringsplass og busstopp, og langs vatnet. Me vil sjå på leveområde for insekt i både ferskvatn, våtmark og skog. Turen går på grusveg og er lettgått, og går i insekttempo (dvs. sakte). Turen tar ca 1,5 til 2 timar og krev ingen forkunnskapar utanom interesse for naturen og det store mangfaldet av småkryp som finst der ute!
Ta kontakt med styremedlem Gaute Eiterjord på gaute.eiterjord@gmail.com dersom du har spørsmål.